"Jo Hoga Dekha Jayega"
Kitna Bebak hogaya hai aj kal ka insan ! Jab bhi aj kal kisi ko Akhirat se daraya jata hai Allah se daraya jata hai tou ke kehta hai
"Jo Hoga Dekha Jayega"
Kya dekha jayega?
*kya kabar mai jo hoga dekha jayega?
*Kya Na'za ki halat mai jo hoga dekha jayega?
*Hil bhi nahi sakogay ! Jab Janaza le kar ja rahe honge tumhara, Dekha jayega?
*Jab Duniya choot rahi hogi tab dekha jayega?
*Qabar mai Aag lagegi tou kya dekha jayega?
*Qabar mai Sanp aur bichu musalat kiye jainge tab dekha jayega?
*Jis Husan ko duniya bhar mai phelati rehti ho be pardagi ke sath, isi haseen O jameel chehre par jab sanp aur bichu choray jainge tab dekha jayega?
"Dhal Jayegi ye jawani jispe tujhko Naaz hai,
Tu bacha le chahe jitna ! 4 din ka sath hai."
Namazein Qaza karte ho jab samjhate hain tou kehte ho dekha jayega !
*Jab Farishtay koray mareinge tab dekha jayega?
*Jab Pul e sirat se guzrogay tab pta chalega ke kya dekha jayega !
Ek dafa socho tou sahi kya karogay jab dekhogay ke log pul e sirat pe kat kat ke gir rahe hain Jahannum ki aag mai aur agli bari apki hai?
Cheek O Pukar machi howi hai har taraf log gir rahe hain kat kat ke aag ke angaray ubal rahe hain tab humein apne mamlat yad ayeinge ! Tab Yaad ayega ke hum ne kya kya kiya tha kaise guzreinge pul e sirat se Kya karenge tab
Hazaron salon baad ja kar log jahannum mai pohancheinge itna gehra ghara hai jahannum aur kehte ho dekha jayega :'(
Lekin tab koi faida nahi hoga ! Jitna marzi ro lo jo marzi kar lo tab koi cheez faida nahi degi, tab yaad ayega ke duniya mai kaha karte the ke "Dekha Jayega" !! Har taraf jaoge neeki mangne kahin se nahi milegi tab dekha jayega?
*Qabar ke andhere aur Farishton ke sawalat ke waqt dekha jayega?
Jab Aag ankhon mai bhar di jayegi tab dekha jayega?
*Hamesha ke liye agar Jahannum mil gai tou kya kareinge? kabhi socha hai? HAMESHA KE LIYE :'(
Kuch Nahi Dekha Jayega ! Mazak Banaya howa hai humne Akhirat ko
"Marne ke liye jiyo, tum tou jeene ke liye jee rahi ho"
Mat bhulo ke marna hai! Khuda ki kasam Marna hai Aur kisi bhi waqt marna hai ! Sab reh jayega yahin aur kehte ho "Dekha Jayega"?
Mazak Mat Samjho "Akhirat" ko, Hosh karo, Abhi bhi waqt hai "Tauba" karlo naikiyan kamalo kahin aisa na ho ke "RAB" ka bulawa ajaye.
Ya Allah Hamare Gunahon ko maaf kar dena, hum is qabil nahi ke Tujhse Teri Jannat mangein bas hamare gunnah baksh de Ya Rab
Ameen Suma' Ameen.
Share: "Jo Hoga Dekha Jayega"
No comments:
Post a Comment