"PAKODA NAKKO BOLO"

"PAKODA NAKKO BOLO"

Jo logan ek dusre ko "Pakoda Pakoda" bulate hain ounke wastay Quran mai Allah kya farmatey hain dekho:

~"Aey Imaan Walon, Na Mard Mardon pe Hansein hosakta hai k wo oun hansne walon se behtar hon, Aur Na Aurtein Aurton par hansein ke hosakta hai wo oun hansne waliyon se behtar hon, Aur Apas mai ta'ana Na Karo Aur Na ek dusre ke Buray Naam Rakho, Kya hi bura naam hai "Musalman" ho kar "Faasiq" kehlana, Aur jo Tauba Na karein wohi Zaalim hain" (Surah Hujurat 49:11)

Jo Burai se shirk se rokte hain Buhat log ounhein "Pakoda" keh kar bulate hain ! Allah se Daro hosakta hai jo tumhein rokte hon wo Allah k Nazdeek tumse behtar hon !!

~Hamare Pyare Nabi Sallalahu Alaihi Wassalam ne Farmaya:

Rasoolullah (Sallallahu-‘Alaihi-Wa-Sallam) ne farmaaya: Tum log ek doosre se hasad na karo, khareed-o-farokht mein khareedaari ki niyyat ke bagair mahaz dhoka dene ke liye boli mein izaafa na karo, ek doosre se bugz na rakho, ek doosre se berukhi ka ikhtiyaar na karo aur koi dusre ke saude par sauda na kare. Aur tum sab Allah ke bande ban kar bhai bhai ho jao. Ek Musalmaan doosre Musalmaan ka bhai hai, na us par ziyaadati karta hai aur (agar koi doosra us par ziyaadati karta hai) to us ko be yaar wa madadgaar nahin chhodta aur na us ko haqeer samajhta hai. (Is mauqe par) Rasoolullah (Sallallahu-‘Alaihi-Wa-Sallam) ne apne seena-e-mubaarak ki taraf ishaara kar ke 3 martaba irshaad farmaaya: Taqwa yahaan hota hai. Insaan ke bura hone ke liye itna kaafi hai ke woh apne Musalmaan bhai ko haqeer samjhe. Ek Musalmaan ka khoon, us ka maal aur us ki izzat-o-aabru doosre Musalmaan par Haraam hai. (Muslim: 6706)

Share: "PAKODA NAKKO BOLO"